حاجات شاغلانى
هنا صفحه فنية
كل شويه هيبقى فيها حاجه مختلفه مره مقال فنى مره حتة مزيكا مره صوره حلوه وهكذا
كمال أبو ريه فنان تشكيلى
من الحاجات اللى لفتت نظرى واحنا بنصور قاسم امين إن الفنان كمال ابو ريه بيحب الرسم جدا
وانه حاول اكتر من مره انه يشارك الرسام اللى كان بيرسم صور المسلسل الراى واحيا نا التنفيذ بايده
يعنى يا خد منه الريشه ويرسم شويه ده حصل فعلا بس برضه مكنتش متوقع انه بيرسم حلو لانه كل مره بيبقى بيلون بيكمل رسمه بيرسم جزء كده يعنى
المهم فى بروفه من البروفات وهو بيراجع من النص بتاعى الحوار والفنان جمال عبد الناصر قاعد قدامه بيراجع معاه الحوار – ولان جمال عبد الناصر اساسا له طله كده تخليك عايز ترسمه – اتحولت شخبطة كمال ابو ريه على ورقى الى صوره فى خمس دقايق لجمال عبد الناصر –وهو فى زى سعد زغلول – وانا عجبتنى الصوره جدا وحاولت اخلي كمال ابو ريه يكمل رسم فيها معرفتش ابدا لانه كان معتبرها عادى شخبطه فقررت انى احتفظ بيها وأنزلها على السايت والناس تحكم هل كمال ابو ريه لما هو بيشخبط كده ممكن يرسم ازاى ؟
وبالتالى لو قرر يرسم او يعمل معرض مش يبقى جامد والنبى ؟
|
